السلام عليكم
4 مليار و900 مليون .....!!
هذا الرقم سلمكم الله لاهوب ثروتي في البنك .. ولا قيمه اسهم لشركه .. ولا معونه من الحكومه لاعانة الناس من الغلاء الفاحش هاليومين ... خلونا من هالرقم هالحين راح ارجع له ..!!
هالموضوع له فتره كنت حاب اطرحه قبل اشهر كثيره .. وكنت اعد له ومجهز له ملف وزحمه ولكن مع ظروف الواحد اللي بيده والخارج عن يده ما نزل وضاع كل شي .. الين الله قسم لي هالحين واعدت فكرته وشفت ان تقسيمه الى اجزاء افضل حتى تاخذ المعلومات حقها باكبر وقت ممكن .. وحبيت تكون البدايه ماهي طويله ومجرد تمهيد وحبيت يكون الرقم 4 مليار و900 مليون هو اول شي وبنفس الوقت هو العنوان الدائم للاجزاء المتبقيه .. وبالمناسبه تقسيم الموضوع لاجزاء اشوفه شي جيد لاهمية الموضوع .. وحتى ايضا لو اي شخص كان حاب يشارك فيه او باي جزء انسق معه ويصير موضوع اقلاعي لان اللي بتكلم عنه المفروض الكل يعرف كل شي ذكر عنه
نرجع لمحور حديثنا ,,
قبل فتره كنت اقرأ سورة الفجر .. الين وصلت لايات كريمات تتحدث عن يوم القيامه ووصف بعض اهوالها .. حين يقول الله تعالى( كَلَّا إِذَا دُكَّتِ الْأَرْضُ دَكًّا دَكًّا (21) وَجَاء رَبُّكَ وَالْمَلَكُ صَفًّا صَفًّا (22) وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنسَانُ وَأَنَّى لَهُ الذِّكْرَى (23)
بعد فتره وانا متذكر هالوصف زين جاء لمسجدنا احد الاخوان الملتزمين الله يجزاهم الف خير وجلس يتكلم عن التقوى والجنان ورحمة الله .. وعرج الى موضوع العذاب وذكر هذي الآيه :
قالى تعالى ( وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنسَانُ وَأَنَّى لَهُ الذِّكْرَى (23) )
وقاااااال يا اخوااااان 4 مليار و900 مليون ...!!! انا لحظتها استغربت لان الحقيقه مادري وش يبي يومه يقول هالرقم ..؟؟!! هل يبي يقول يوم القيامه بعد كذا يوم ...!! طبعا لا لان علم الساعه لا يعلمه الا الله عز وجل ..!! طيب هل هي درجه حرارة جهنم ...!! ياليت ...!!! الين ما ذكر حديث للرسول صلى الله عليه وسلم بعدها عرفت المقصود وتذكرت الحديث زين واللي فاتني شوية حسبه للرقم اللي ذكره الرسول الكريم صلى الله عليه وسلم ...!!!
4 مليار و900 مليون ====
فيه احد متصور ان هالرقم ماهو الا عدد الملائكه اللي ياتون بجهنم ذالك الوقت واللي تتحدث عنها الايه الكريمه ....!!!
4 مليار
900 مليون
ملك
!!!!!!!
4 مليار و900مليون ملك من الملائكه يحملون جهنم وياتون بها ....!!! طيب دقيقه ..!! احجام الملائكه كيف ..؟؟؟!! اذا كان جناح من اجنحة جبريل عليه السلام وهو جناح واحد يغطي الافق ...!!! جناااح واحد ...!!! طيب 4 مليار و900 مليون ملك باحجام ما نعرف لها قياس يحملون جهنم ..!! اي حجم لها هذي ...!!!
حَدَّثَنَا عُمَر بْن حَفْص بْن غِيَاث حَدَّثَنَا أَبِي عَنْ الْعَلَاء بْن خَالِد الْكَاهِلِيّ عَنْ شَقِيق عَنْ عَبْد اللَّه هُوَ اِبْن مَسْعُود قَالَ : قَالَ رَسُول اللَّه صَلَّى اللَّه عَلَيْهِ وَسَلَّمَ " يُؤْتَى بِجَهَنَّمَ يَوْمئِذٍ لَهَا سَبْعُونَ أَلْف زِمَام مَعَ كُلّ زِمَام سَبْعُونَ أَلْف مَلَك يَجُرُّونَهَا "
بحسبه بسيطه .. نضرب الـ 70 الف بـ 70 الف .. يطلع لنا عدد الملائكه ..!! والغريب هالحين اقرا الحديث ذكر الرسول كلمه " يجرونها " ....!!! 4 مليار و900 مليون ملك " يجرون " جهنم ماهو " يحملونها " ........!!!
لو نلقي نظره سريعه لعدد المسلمين الان مليار و300 الف ...!! او مليار ونص المليار ...!! حتى نص عدد حملة جهنم ما يجي ...!! وهذا اللي نقدر نعرفه فقط ان حملة جهنم 4 مليار و900 مليون ملك كحجم ..!! فالقياس هنا ما يمكن اطلاقا الا من نص ورد بالقران والسنه النبويه الشريفه وما ورد من نصوص ما فيه حجم جهنم بالتحديد .. بس عدد حملتها ...!!!
حتى قاع جهنم ما ورد طوله فلا يمكن القياس حوله .. اللي ورد عن قاعها حديث شريف راح اذكره والحقيقه ان هول قاعها لا يختلف عن هول حجمها ...!!!
سمع الصحابة رضوان الله عليهم صوت وجبة -أي: شيء ساقط- فقال النبي صلى الله عليه وسلم: {أتدرون ما هذا؟! قالوا: الله ورسوله أعلم، قال: حجرٌ أرسله الله في جهنم منذ سبعين خريفاً -أي: منذ سبعين سنة- فالآن حين انتهى }
الله عز وجل القى حجر في جهنم فوصل الى قاعها بعد 70 خريف " سنه " ....!!!! حجمها اللي يجره 4 مليار و900 مليون ملك وقاعها اللي يوصل له بعد 70 سنه ...!!!!
!!!!!!!!!!!!!!!!!!!!!!!!!!!!!!!!!!!!!
اذا كان موقف واحد بس من مواقف يوم القيامه يخلي الاولاد شياب .. وهالشي ذكر صراحه بالقران فكيف بجهنم ......!! الشي المهم هنا .. ممكن كل من يقرا الموضوع وكل ما يقرا يقول اعوذ بالله منها والله يبعدنا عن جهنم ...!!!
احب اقوله اللهم آمين بس انت وانا والكل ياحلو راح يمرون جهنم فالله عز وجل اقسم على ان الكل راح يجيها ...!! قال تعالى في سورة مريم ( وَإِن مِّنكُمْ إِلَّا وَارِدُهَا كَانَ عَلَى رَبِّكَ حَتْمًا مَّقْضِيًّا (71) )
السؤال هنا وردونا كيف بكون ..!! هل هو برد وسلام مثل ما كانت النار برد وسلام على ابراهيم الخليل ..؟؟
لو ارغمتنا الظروف على المشي فوق جسر بعض دعاماته مكسره كيف بكون شعرونا وحنا نمشي ...!! نخاف نطيح في بحر والا اسفلت وانتم بكرامه ...!!!
كيف راح يكون الخوف وحنا نمر من الصراط ونورد جهنم ...!!!! يجرونها 4 مليار و900 مليون ملك وقاعها يتوصل له بعد 70 خريف ....!!!
عموما .. لابد للشخص من التفكير والتفكير .. الوفيات بالكوم .. شباب كنا نجلس معهم ماتوا فجاءه حادث سياره او سكته احيان بدون سبب لان الله كتب وفاتهم ساعتها ....!!!
موضوع العذاب بالاخره موضوع طويل وطويل وطويل .. باذن الله راح احاول اطرح كل معلومه ممكنه واجتهد في احضارها في سلسلة مواضيع عن جهنم وان الله قدرنا نتكلم بعدين عن الجنه ونعيمها ...
اللهم يا كريم يا رزاق ياحنان يامنان يا صاحب الكرم والجود باعد بيننا وبين جهنم
اللهم انت العلي والقدير والرحيم فانزل علينا رحمتك وعفوك والبعد من نيرانك
اللهم لا تحاسبنا بما نحن اهلا له وحاسبنا بما انت اهل له
اللهم اجعل مرورنا على الصراط كرمشة عين
اللهم انا نعوذ بك من النار وماقرب إليها من قولا أو عمل
اللهم أجرنا من النار
اللهم أجرنا من النار
اللهم أجرنا من النار
اللهم اعتق رقابنا من النار
اللهم اعتق رقابنا من النار
اللهم اعتق رقابنا من النار
اللهم ارحم امواتنا وادخلها جناتك ولا تعذبهم
انك ارحم الراحمين وصلي اللهم على نبيك محمد وعلى آله وصحبه والتابعين ومن تبعهم باحسان الى يوم الدين
وما زال الكلام عن جهنم يطول ويطول .... ابوابها وخزنتها وصفات اهلها والمنجيات منها باذن الله راح نطرحها ...!!
الموضوع اجتهاد شخصي راح اكون اسعد الاشخاص في تصحيح اي خطا وقعت فيه .. ممكن نقلت معلومه خطا او كتبت شي غلط الله يغفر لنا وهو من وراء القصد
طبــعا منقوول ..
